حكاية الفوركيشة

حكاية الفوركيشة

دي حكاية كبيرة تقدر تقول كدة كانت من الاساطير و أصبحت حقيقة !!

الفوركيشة دي عبارة عن حالة ألكترونية بدات منذ بداية التسعينات ، كان حلم اي شركة انها يكون ليها موقع علي الانترنت J و كانت مشكلة كبيرة جدا انك تصمم موقع أو تستعين بمتخصص في تصميم المواقع الالكترونية .... ولكن كان في مشكلة اكبر بكتير وهو مين اللي هيشوف الموقع أو حتي ممكن حد يدور علي الموقع دة أزاي ؟؟؟؟

و كان عشان الناس تتعرف علي موقعك كنت لازم تسجل موقعك في أدلة المواقع او Directories والمواقع من النوع ده كانت عبارة عن موقع كبير مقسم الي أقسام مثل ( رياضة ، سياسة ، ثقافة ، أجتماع .... ) و حضرتك تشوف اية أكتر قسم مناسب لمجالك و تسجل موقعك فيه ، و لو أي حد محتاج موقع بيتكلم عن مجال معين كان يدخل المواقع الدلالية و يبحث عن موقع مناسب داخل القسم المحتاجه !!

طبعا النوع ده من المواقع مشفش النور لفترة كبيرة مش عشان أن فشل بسبب وجود معاناه من المستخدمين في البحث عن ما يريدون ... لا ... عشان كثرة المواقع من هذا النوع فقدت مصداقة المستخدمين في الاساس بالاضافة الي عدم تلبية حاجات المستخدمين بنسبة مرضية .

وفي عام 1996 بدأت ثورة فوركيشة جديدة خاااااااااالص و هي ظهور أول محرك بحث لشركة Yahoo  و كان علي أصحاب المواقع ان يسجلوا مواقعهم بنفسهم – مثل Directories– و لكن الجديد هنا أن مستخدم محرك البحث مش بيدور بنفسة ... لا لا خالص .. كان مجرد أن يكتب القسم للنوع المطلوب من المواقع و يضغط Enter  يظهر كل النتايج المسجلة في الموقع من قبل كدة ، يعني تقدر تقول كدة Yahoo  تعب أصحاب المواقع ،و لو مسجلتش متظهرش ، فبمجرد أن يقوم مدير الموقع بأضافة الرابط الى الدليل يرسل الدليل أو محرك البحث  ملف العنكبوت أو برنامج ” Web   Spider” ليقوم بمسح الموقع او ما يسمى  ب “crawl”   أو الزحف واستخراج الروابط الموجودة في الصفحة ثم اعادة المعلومات و فهرسة الرابط.

  ثم تطورت العملية و أصبحت محركات البحث تقوم بتحميل هذه الصفحات الموجودة على الويب ثم تخزينها و في نفس الوقت يكون هناك برنامج آخر يسمى“indexer” وده وظيفته يحلل الصفحات و استخراج العناصر الأساسية كالكلمات و الروابط الموجودة في المحتوى و الـ META TAGS  و التي تتضمن  Meta Description, Meta title,  Meta Keywords ... 

مع زيادة استعمال محركات البحث من المستخدمين,أدرك أصحاب المواقع أهمية إظهار مواقعهم في أعلى صفحات نتائج البحث وده طبعا عشان جلب أكبر عدد من الزيارات وهنا بدأت فوركيشة جديدة خااااالص و هو ظهور علم الـ SEO بالظهور التي تعتمد على فهم طريقة عمل محركات البحث و تحسين و تعديل عناصر الصفحات الموجودة  في مواقعهم لتتمكين محركات البحث للوصول اليها بطريقة أسرع . 

و كان في التوقيت ده ال SEO  سهل و بسيط كانت الخوارزميات التي تعتمد عليها محركات البحث و من ضمنها Yahoo  بسيطة جداً,  كانت بتعتمد على الـ META TAGSو في نفس الوقت كان يسهل لأصحاب المواقع التلاعب بنتائج البحث و دة طبعا عن طريق الكلمات المفتاحية كتير  حتى و لو كانت ملهاش اي علاقة بموضوع الصفحة أو الموقع, و كتر نوع Black SEO أو من يستخدمون طريقة الـ Black Hat و كان هدفهم الوحيد هو عدد من الزوار اكتر و حتى  لو مفيش محتوى صفحاتهم غير مرتبط البيدور عنه المستخدمين.

وده طبعاً ادى الى احباط مستخدمين محركات البحث و من ضمنها الـYahoo  وسبب طبعاً لعدم دقة صفحات نتائج البحث و ادي الي ان المستخدميين يبحثون عن محركات أخرى تستطيع أن تمييز مدى ارتباط الكلمات المفتاحية الخاصة بهم في حقل البحث بصفحة النتائج و هنا برز دور المحرك الأول عالميا و الفنوس السحري للأنترنت وهو  Google.

 

و علي رأي المثل القال  " كل الفات دة فوركيشة و الجي دة فوركيشة تاني خااااااااااااالص" .

 

كان " لاري بيج" و " سيرجي برين"  يدرسون في جامعة ستانفورد في الولايات المتحدةوعملوا علي تطوير بـ “backrub” و هو عبارة عن محرك بحث يعتمد على خوارزمية رياضية تقوم بتقييم  و حساب شهرة الصفحات الموجود على الانترنت،وتعمل هذه الخوارزميات على Page Rank   ( مع الوضع في الاعتبار أن هذاالمعيار تم تجاهله حاليا ) و التي تقوم بحساب الـ Inbound links أو الروابط الوافدة لموقع ما على الإنترنت بالإضافة الى عدد صفحات هذا الموقع .

يعني الخلاصة : استطاع Google من خلال الخوارزمياتات أن يقييم أي موقع بناء على عامليين أساسيين وهما الاتي :

  1. عامل داخلي يتعلق بالموقع نفسه و مدى ارتباط محتواه بالكلمات المفتاحية التي يدخلها مستخدمي الموقع و دة طبعا SEO on page 
  2. عامل خارجي و هو تحليل الروابط الخارجية الأتية من مواقع اخرى لهذا الموقع او Back links  و ده طبعا SEO Off Page  .

و بالرغم من تعقيدات خوارزميات, بدأت عملية التلاعب بنتائج البحث من أصحاب المواقع او من يعملون في مجال الـSEO  و ذلك من خلال الـ” Link Building” أو جلب روابط لمواقعهم من مواقع أخرى من خلال شراء هذه الروابط أو تبادلها مع مواقع أخرى أو حتى اصدار  عدد كبير من المواقع و ربطها بمواقعهم. و أصبح تركيز أصحاب المواقع هو جلب روابط  خارجية فقط و اهمال التركيز على جودة محتوى في مواقعهم.

ودي حكاية الفوركيشة (محركات البحث ) عارف انك عاوز تسأل من اول المقال عن معني الفروكيشة؟؟

بس دة أحسن تعبير عن الحالة المر بيها أصحاب المواقع مع تطوير محركات البحث و ما قبلها و عشان كل تطوير له أثارة السلبية و الايجابية فكانت بتعمل حالة فركشة لكل أصحاب لمواقع اللي بيتعاملوا غلط مع محركات و عشان الموضوع مش صعب و لا مستحيل أنك بمجرد تتعلم تكنيك محركات البحث و طرق عملها بدقة و التطورات الاخيرة لها  هتعرف توصل موقعك لنتائج الاولي بشكل صحيح حتي لو حصل 100 فوركيشة جديدة .

لو أنت محتاج تعرف ‪#‎SEO‬ صح و تعرف مباديء العلم الرائع ده الممكن فعلا يغير حياتك كلها تابعنا علي صفحتنا في المقالات الجايه دة غير فيديوهاتنا علي قناتناhttps://goo.gl/fNSzes و كمان أنتظرنا في قعدة مسوقين الجاية عشان تعرف كل كبيرة و صغيرة عن SEO بجد 

تعليقات الفيسبوك

مقالات ذات صلة

أعرفها و بعدين أحكم

أعرفها و بعدين أحكم

Jun 02, 2018

في حاجات فيحياتنا بنكون محتاجين نعرف عنها تفاصيل أكتر ! وخصوصا لو حاجة جديدة علينا ! أول معرفتي بمجال التسويق الالكتروني و انا كان عندي شغف أن أعرف كل حاجة عنة و قررت أن أتعلم كل كبيرة و صغيرة في E-Marketing  . وبداية تعرفي بعلم SEO  كان من خلال فيديو علي YouTu...

أسمها متخصص مش خبير

أسمها متخصص مش خبير

Jun 05, 2018

في حياتنا تخصصات كثيرة جدا في مختلف المجالات ،و نري فيها علماء و أستاذة و خبراء و متخصصين في هذه المجالات . و الجميل في الأمر أن التخصصية لها عامل كبير جدا يرجع إلي الخبرات السابقة في ذلك المجال و أيضا الاحتكاك المباشر علي ارض الواقع أو بمعني أخر " الخبرة العملية "...

Meta description قادر علي تغير مسار موقعك

Meta description قادر علي تغير مسار موقعك

Jun 03, 2018

وصف الميتا او ما يعرف بأسم meta descriptionهو أحد الوسوم الخاصة بلغة HTML يوضع في بداية صفحات الويب الخاصة بك ، وهو لابد ان يحتوي علي وصف لصفحتك أو ما يتضمنة بشكل موجز في سطور قليلة  ، التوصيف الموجز هو عبارة عن بضعة كلمات لا أكثر ، برمجياً يوضع وسم ال Meta ضمن وسم ال< He...