التسويق .. ما بين القيل و القال !

التسويق .. ما بين القيل و القال !


في كتير من الأفكار و المعتقدات الخاطئة المنتشرة في مجال الـ Digital marketing ، و للأسف هي شائعة بين كتير من ممارسي التسويق في مصر.


و هدفنا النهارده : هو نشر ممارسات التسويق الصحيحة ، لكل حد حابب يتعلم مجال الديجتال ماركتنج ، أو حتى شغال فيه.

و عشان كده هنتكلم معاكم عن أشهر 3 أفكار خاطئة بنسمع عنها كتير في المجال :
 

1- أنا ببيع لكل الناس

كتير أما بنسأل عملاء سؤال : (هو مين عميلك المستهدف ؟ )  أو ( انت بتبيع منتجك لمين ؟ ) ، بيكون ردهم : أنا ببيعه لكل الناس ، أو أنا عايزه يوصل لكل الناس.

 

بس في الحقيقة " Everyone Is Not Your Customer

لإن الماركتنج الصح هو اللي يوصّل الخدمة أو المنتج بتاعك للـ Ideal customers بالنسبة لطبيعة البيزنس الخاص بيك.

 

في مقولة بتقول: "When you speak to everyone, you actually speak to no one ".

 

و عشان كده التسويق احنا بنستهدف بيه الـ Target audience  بتوعك ، اللي بنحددهم بعد ما نعرف مين الـ buyer persona اللي عندهم الحاجة الفعلية لشراء منتجك او الخدمة اللي بيقدمها البيزنيس بتاعك ، عشان هما دول اللي هيكونوا عملاؤك المستهدفين.
 

2- ادفع كتير .. تكسب اكتر

ناس كتير ماشية بمبدأ ( ادفع كتير .. تكسب أكتر ) يعني أما تكون بتعمل إعلانات على الفيس بوك ، و تلاقي الـ Results مش كويسة ، تقوم أول حاجة تفكر فيها إنك ترفع الـ Budget عشان مثلا تحصل على engagement أكبر لو كان ده هدف الكامبين من الاول.

 

بس انت قبل ما تفكر ترفع الميزانية ، لازم تبقى عارف إن الشطارة في الـ Ads إنك تعرف تظبط الـ Target صح ، و تجهز محتوى مناسب و ديزاين جذاب لعميلك المستهدف.

و بعد ما تتأكد إن الحاجتين دول موجودين فعلا في إعلانك ، ابتدي شوف الـ Budget مناسبة للتارجت اللي عايزه ولا لأ ، و بناءأً عليه تقرر هترفع ميزانيتك ولا لأ.
 

3- زن على عميلك .. يشتري منك

الزن على العميل في مجال الـ Social media بيكون بطريقتين : 

الاولى : إنك تكون بتنشر Too Much Posts يوميا على الـ Social channels بتاعتك.

التانية : إنك وانت بتعمل إعلانات ، تزود معدل الـ Frequency بشكل مبالغ فيه  ، فبيظهر نفس الإعلان للـ Target audience بتوعك عدد مرات كتير ( في اليوم الواحد ).

 

<<<<  و طبعا الحالتين غلط  

لإنك في الحالة الأولى : إنت محتاج تسيب وقت كافي بعد نزول أي Post على الصفحة عشان تحافظ على الـ Organic reach  و متبقاش سبام و الناس تزهق منك ، و عشان كده مهم تكون مجهز الـ Posting Plan بتاعتك بشكل اسبوعي على الأقل.

 

و في الحالة التانية : إنت محتاج متزودش ال frequency rate  عن الحد المطلوب  ، عشان عميلك ميزهقش منك و هيحس كإنك بتحاصره دايما و بتطالبه بشراء المنتج او الخدمة بتاعتك ، و في النهاية مش هياخد بردو الـ action اللي انت عايزه منه.
 

و عشان تبقى عارف المعدل الطبيعي للـ Frequency ، فهو مفروض ميزيدش عن 2 في أغلب الـ Industries وفى اغلب الحالات .


في النهاية .. بنتمنى تكون استفدت من موضوعنا
ولو محتاج تتعلم أكتر عن إدارة السوشيال ميديا و مهارات إدارة الحملات الاعلانية .. سجل اسمك معانا في دبلومة السوشيال ميديا

 

كلمات بحثية :

تعليقات الفيسبوك

مقالات ذات صلة

شبيك لبيك تطلب إيه؟ تحويل زواري لعملاء

شبيك لبيك تطلب إيه؟ تحويل زواري لعملاء

Jun 10, 2018

إنشاء موقع أو مدونة علي الإنترنت أصبح أسهل مما تتخيل سواء في طريقة الإنشاء، التصميم أو حتي في التعديل، وعلي الإنترنت أمثلة كثيرة لمدونات كانت صغيرة والآن أصبحت أشهر من مواقع إحترافية كثيرة جدا منها علي سبيل المثال : -          مدونة...

أهم نصائح لنجاحك على اليوتيوب YouTube

أهم نصائح لنجاحك على اليوتيوب YouTube

Jun 13, 2018

أهم نصائح لنجاحك على اليوتيوب YouTub -------------------------------------------- من خلال المقال دة هنتكلم علي أهم النصائح اللي لازم تاخد بالك منها وانت شغال علي ال YouTube  ⬅ 1. أهتم بأول 15 ثانية:-  ============ الثوان الأولى من أي فيديو هي المقياس...

استثمر في فريق عملك

استثمر في فريق عملك

Jun 12, 2018

استثمر في فريق عملك إن عملية إنشاء فريق عمل في مجال التسويق الالكتروني تعتمد على القدرة على القيادة و الذكاء نوعا ما . ولهذا لا يكون أغلب المدراء قادة و العكس غير صحيح أي أن القادة يصلحون أن يكونوا مدراء ، لذلك عليك الآن قبل أن تتعجل في بناء فريق لمشروعك أو شركتك لتؤل إليهم مه...