اللى يحلل ميتوهش

اللى يحلل ميتوهش

علشان تنجح فى حاجة لازم تكون تعرفها كويس جدا ومذاكرها كويس جدا وبالتالى علشان تقدر تنجح مع عميلك لازم تعرفه كويس وتذاكره كويس

ايوه لازم تعرف هو بيحب ايه و بيتواجد على اى قنوات من قنوات السوشيال ميديا اكثر كمان بيكون موجود امتى على اون لاين مش مجرد انى اكتب او ارص له معلومات هو مش عايزها لمجرد انى اكون متواجد معاه على الفيس بوك من الاخر ده اللى بيسموه فى علم التسويق دراسة احتياجات ورغبات العميل .

طيب علشان اعمل دراسة للاحتياجات والرغبات على الانترنت لازم نحلل عميلنا علشان اللى يحلل ميتوهش

طيب نعمل ايه هنحاول ناخد مع بعض دلوقتى جولة سريعة فى المواقع اللى تساعدنا على دراسة عميلنا بشكل اكبر

اول حاجة من خلال موقع الفيس بوك

ومن خلال الاداة الخاصة بتحليل الجمهور

https://business.facebook.com/ads/audience_insights

تقدر من خلال الادارة دية معرفة جمهورك المستهدف ده بيهتم بايه هل هما اكثر ذكور ولا اناث وكمان جمهورك ده معدل فى سن من كام لكام علشان تقدر تكلمهم بلغة سنهم متواجدين فى اى مناطق والكثير والكثير من المعلومات جرب استخدمها ولو وقفت فى حاجة احنا معاك

الاداة الثانية اللى بتساعدك تعرف اهتمامات الجمهور بتاعك هى داخل جوجل ادورد

https://adwords.google.com/da/DisplayPlanner

من خلال الاداه دية هتقدر تعرف اهتمامات جمهورك وكمان الشريحة المستهدفة من سن كام لكام الاهم بيكون متواجدين على اى مواقع وبالتالى تقدر تدخل على المواقع دية وتدرس ايه اسلوب الكتابة المستخدم واللى جذب الشريحة بتاعتك للموقع ده

الاداة الثالثة هى https://www.google.com/analytics/

وطبعا دية مش هتقدر تستخدمها الا اذا كان عندك موقع واللى من خلالها هتقدر تطلع كل التفاصيل الخاصة بالعميل

طبعا ده غير حاجة مهمة انك تراقب احتياجات وشكوى عميلك على صفحات السوشيال ميديا يعنى لازم تعرف ايه نوعية البوستات اللى تجذبه وبتخليه يعلق عليها وكمان ايه نوعية التعليقات يعنى ايه اللى مش عاجبه عند المنافسين علشان نتجنبه وهكذا

من الاخر انك تعرف عميلك شيء مهم جدا جدا جدا علشان تقدر فى الاخر تقدم له اللى بيحبه

تعليقات الفيسبوك

مقالات ذات صلة

أهم أربع نقاط تتارجت بيها صح

أهم أربع نقاط تتارجت بيها صح

Jun 21, 2018

عندما نتحدث عن مجال التسويق الالكتروني  فسنجد أنه مساحة كبيرة من المعرفة التي لا يستهان بها، غير أنه المحرك الأساسي لتطوير الأعمال كافة في عصرنا هذا، والمشكلة الواقعية هي بقاء الكثير من المنشآت التجارية لديها خلل تسويقي كبير يعكس ضعف القائمين على هذا العمل في أهم عنصر مؤدي ل...