العربية أسرع ولا الطيارة

العربية أسرع ولا الطيارة
2015-12-21

 العربية اسرع ولا الطيارة

لو سألتك مين أسرع العربية ولا الطيارة هتقولي ايه؟؟؟

الطيارة مش كدا؟!!

طب ايه رأيك إن العربية هي الأسرع

ايوووووووووووووووووووووة متستغربش انا بكلمك بجد

لو انت رايح مشوار داخل المحافظة اللي انت قاعد فيها وعشان تركب الطيارة فأنت محتاج انك تركب اي مواصلة وتروح المطار وتحجز طيارة عشان تروح مشوارك صح؟!!

لكن لو خدت عربية دا هيكون أسرع طبعا من اللفة دي كلها

وبالمثل برضوا لوا رايح مشوار في نفس المنطقة السكنية اللي انت فيها فايهما أسرع العربية ولا العجلة

العجلة اسرع من العربية لانك لو هتستخدم العربية فأنت محتاج تخرجها من الجراج وتسخن وتدور وتمشي براحه لو كان فيه حواري وكدا

ليه بنحكي القصة دي وايه علاقته بالتسويق الالكتروني ...!!!!

لانك كمسوق الكتروني معاك ادوات ووسائل كتييرة جدا قنوات السوشيال ميديا كلها (الفيس بوك – تويتر- جوجل بلس – انستجرام – تويتر – لينكدإن – بينتريست - ....الخ)

ال Email Marketing

موقعك الالكتروني

مدونتك

المنتديات

مواقع الـ Classifieds

وحاجاااااات تانية كتيييييييييييييييييير

شطارتك انك تختار الاداة المناسبة للمهمة المناسبة والوقت والمكان المناسبين

وتعرف تحلل منتجك كويس وتحليل عملائك المرتقبون والمتوقعون ايه هي حاجاتهم ورغباتهم وازاي تقدر تلبيهالهم

وشطارتك برضوا انك تكون بتعرف تسوق كويس ااه اقصد تستخدمها كويس فاهمني....!!

يعني انت محتاج تحط لمشروعك خطة مفصلة انت عايز ايه وايه هو هدفك وايه الوسائل اللي في ايدك وازاي تقدر تسخر الوسائل دي عشان توصل للهدف دا

طبعا هتحتاج بعض المهارات الخاصة زي تحليل منافسينك وكمان SWOT Analyses

وازاي تدير فريق عملك وتتحكم في الوقت ازاي

قولنا ايه رايك فى ايه المشاريع اللى قابلت فعليا ومكنش محتاج فيها حاجة زى الطيارة انما كان ممكن كمان يكون عجلة توصلك اسرع J

او تابعنا وهتركب معانا وهناخدك في جولة سريعة بعربيتا الخاصة عشان تستكشف العالم دا

Top